今朝早又再去多一次，早上先食個粿汁，今日再加個豬手肉同埋豆腐，食到飽飽。
跟住行唐人街街市，哎呀！源順今日冇開門呀！但係我都買到一盒premium椰棗1kg，550匹，我估香港起碼港幣三四百蚊；又買咗兩個蒸韭菜果，外表雖然同外婆做有所分別，外皮較薄較煙韌，味道也略嫌偏甜，但總好食過九龍城嗰啲。
週邊逛街，附近有一些應該是活化區，開了很多青年人喜歡去嘅餐廳、咖啡室、珍珠奶茶等店舖，阿女介紹我去一間咖啡餐廳，叫咗一杯士多啤梨特濃朱古力175匹，雖然有點貴，但超好飲，值得！好過喺7你買咗幾杯食唔到太多朱古力味嘅朱古力雪糕！
行到附近，梗係要去野虎路商業中心，食返個街邊當咖哩飯，順便打下卡，但我實在太飽食唔落，Arthur就order了一碟紅咖哩豬肉飯，味道可以。
做完腳底按摩，我們返酒店歇息一會兒，晚上喺酒店附近泰北餐廳吃晚餐，味道唔錯！