幸好沒有積雪，落地即融，感覺寒冷了一點。
今早Arthur自己出去食早餐，我就留返喺酒店食剩餘物資，因為明天會返大阪。洋蔥炒北海道牛肉配法包的早餐，好似有點兒重口味！
今天再繼續在札幌、薄野shopping。哎呀！今日好多大百貨公司都做 Black Friday，在大丸見到好多公公婆婆排隊唔知買啲乜東東，原來高級牛肉都賣七折，長龍將大丸超市繞了半個圈！黑毛和牛都只賣半價，中拖羅960 yen就已經有一大舊，真係好抵！睇見都流口水！
今晚我哋去之前吃過的店舖食湯咖哩，可惜水準未如上一次！吃完晚餐，我們在飄雪中的薄野兜多個轉，明天就要講拜拜！