果然唔錯，Phat Thai雖然份量少，但好食，略嫌偏甜一點；Tom Kha Soup又香又濃勁好飲，同我整嘅味道一樣；單骨炸雞翼果然香脆可口，去到一定要order試試；而炸豆腐都好食嘅，乾身香脆；至於泰式奶茶就好非常一般。
行到攰，下午去咗腳底按摩，成個人都爽曬！
傍晚就去咗唐人街食粿汁，跟住買咗一大堆林真香，當然有買Arthur最鍾意嘅香蒜辣椒碎，呢度最平！週圍都見都好多蒸和炸韭菜粿，諗住可以回憶一下兒時的味道，非常失望，炸的成舊都係粉，蒸的冇料到，又多味精，勁難食 !